Daily Post Cymraeg - Blogiau - Bethan Gwanas

Hanes trist Ann Lewis

Wed, 15 Apr 2009 08:23:00 GMT

DWI wedi bod yn darllen fel het yn ddiweddar, yn darllen nes mae fy llygaid i’n brifo. Darllen er mwyn gallu sgwennu ydw i, am mod i i fod yn sgwennu nofel.

Un o bob deg ddim yn gwybod beth yw dafad!

Wed, 01 Apr 2009 07:49:00 GMT

MAE rhai o’r ‘astudiaethau’ sy’n cael eu cyhoeddi y dyddiau yma yn gwneud i rywun grafu pen go iawn. Y diweddara ydi un sy’n honni fod dros hanner bobl Prydain yn meddwl bod cefn gwlad yn dwll o le diflas ac yn methu adnabod llawer iawn o anifeiliaid a phlanhigion cyffredin.

Pleser wrth feichio crio

Wed, 25 Mar 2009 11:52:00 GMT

UNWAITH mae rhywun yn cael plant, maen nhw’n tueddu i wneud mwy efo pobl eraill sydd â phlant, tydyn? Dydi o ddim ond yn naturiol; mae ’na fwy o deganau o gwmpas eu tai nhw i ddiddori’r pethau bach tra mae’r rhieni’n cael llonydd i sgwrsio am ysgolion, dillad plant, gwersi piano/nofio/tennis, y tîm pêl-droed dan 10, diffyg cwsg, pigiadau, ceir teuluol ayyb.

Pla of falwod o'n blaenau mae'n debyg

Wed, 18 Mar 2009 10:17:00 GMT

O, gwych, ffantastic, jest be ro’n i isio’i glywed ... roedd y ddwy flynedd ddwytha yn ddigon drwg, ond mae’n debyg y bydd ’na fwy o falwod nag erioed eleni. Yn ôl y gwybodusion, mae hafau poeth yn lladd miliynau o’r pethau, ac yn sychu eu wyau yn grimp, ond mae dau haf gwlyb yn syth ar ôl ei gilydd wedi bod yn nefoedd iddyn nhw – maen nhw hyd yn oed wedi llwyddo i ddodwy mwy o wyau nag arfer!

Pla o falwod o'n blaenau mae'n debyg

Wed, 18 Mar 2009 10:09:00 GMT

Tybed pa lyfrau fyddech chi'n eu dewis ar eich rhestr o oreuon?

Wed, 11 Mar 2009 10:18:00 GMT

MI wnes i ateb holiadur am lyfrau y diwrnod o’r blaen; roedd y BBC yn honni mai dim ond chwech allan o restr o gant o lyfrau enwog roedd y rhan fwya o bobl wedi eu darllen. Wel, fel un sy’n llyfrbry’ go iawn, allwn i ddim a gwrthod y demtasiwn. Es i ati i glicio ... a duwcs, ro’n i wedi darllen y rhan fwya ohonyn nhw. Na, erbyn meddwl, do’n i ‘rioed wedi darllen ‘Pride and Prejudice’ nac ‘Oliver Twist’, dim ond gweld y ffilmiau, ac mi fu’n rhaid pendroni dros ‘Jane Eyre’, ond dyma gofio i mi ei ddarllen flynyddoedd lawer yn ôl. Roedd o’n un o hoff straeon fy mam. Ac er i mi glicio ‘Y Beibl’ yn awtomatig, ges i nghywiro – dwi’m wedi ei ddarllen o glawr i glawr naddo? Er gwaetha Rhodd Mam a Lefel ‘O’ Ysgrythur, naddo.

Mr Wilson? Dwi ddim yn coelio'r peth

Wed, 25 Feb 2009 12:54:00 GMT

DWI fymryn y nerfus yr wythnos yma, a dwi rhwng dau feddwl a ddylwn i dynnu eich sylw o gwbl at yr hyn sydd gen i i’w ddweud. Efallai y byddai’n rheitiach i mi gau fy ngheg, rhag ofn bod canlyniad yr hyn wnes i yn embaras llwyr.

Canmol y rhai sy'd haeddu canmoliaeth

Wed, 18 Feb 2009 12:55:00 GMT

DWI’N teimlo ein bod ni fel cenedl yn llawer rhy barod i feirniadu a bod yn negyddol. Mae angen canmol bob hyn a hyn. Felly, yn wahanol i’r drefn, dwi am ganmol Radio Cymru. Mae’n berffaith amlwg nad ydi hi’n bosib plesio pawb, a chan mai dim ond un Radio Cymru sydd, mae’r dasg bron a bod yn amhosib.

Fiw i blentyn gael clais y dyddie yma

Wed, 11 Feb 2009 11:19:00 GMT

DWI’N meddwl bod y ffordd mae pobl yn ymateb i’r eira yn debyg iawn i’w hagwedd at fywyd yn gyffredinol; y busnes ‘gweld gwydr yn hanner llawn neu’n hanner gwag’ ’na.

Manna doniol o’r nefoedd

Wed, 04 Feb 2009 10:40:00 GMT

AR raglen deledu ‘The Big Welsh Challenge’ welais i’r digrifwr Rhod Gilbert gynta. Roedd y creadur dan anfantais o’r cychwyn gan mai Cerys Mathews oedd ei diwtor Cymraeg o, a do’n i ddim yn teimlo ei bod hi’n cymryd y peth o ddifri, rhywsut.

Iaith, a mwy o waith yn y gampfa

Wed, 21 Jan 2009 00:00:00 GMT

MAE Maisie Potter, unarddeg oed, wedi profi bywyd fel hogan ysgol yng Nghymru a Ffrainc. I Ysgol Gynradd Llandygai aeth hi. Doedd gadael fanno yn wyth oed ddim yn hawdd, gan ei bod hi wedi gwneud ffrindiau da yno ac yn mwynhau dysgu Cymraeg.

Nid wyf yn sgïo’n araf... nhw sy’n dda

Wed, 14 Jan 2009 00:00:00 GMT

OS fuoch chi’n cwyno ei bod hi’n oer tra ro’n i i ffwrdd, tyff; roedd hi’n oerach lle ro’n i. Ond ro’n i’n gwisgo dillad tywydd oer wrth gwrs, dillad isa ‘thermal’ a bob dim (byddai taid wastad yn gwisgo ei drôns hir – ‘long johns’ – hyd yn oed yn yr haf, a doedd o byth yn sâl!) ac mae pobl yr Alpau wedi hen arfer efo’r oerfel.

‘Speed freak’ yn 100 oed

Wed, 31 Dec 2008 00:00:00 GMT

CHYDIG yn fler ydi hi arna i ar ddiwedd y flwyddyn ’ma. Dwi’n trio bwyta mrecwast a sgwennu’r golofn ’ma ar yr un pryd, a fyddai hi ddim yn syniad da colli fy nghornfflêcs dros yr allweddell.

Nadolig llawen i chi a cysgwch yn dawel...

Wed, 24 Dec 2008 00:00:00 GMT

MI fyddwch chi fymryn yn gysglyd pnawn fory, garantîd. Dyna’n hanes ni i gyd, debyg. Wedi stwffio’n boliau efo digon o galoriau i bara wythnos, digon hawdd ydi syrthio i drwmgwsg o flaen y teledu, dim bwys pa mor uchel maen nhw’n codi’r sain, dim bwys faint o sn fydd y plant yn ei wneud efo’u teganau newydd, na faint fydd y gath yn gwthio’i chrafangau i’ch coes chi wrth gysgu ar eich glin.

Dwi’n fwy na maint C – o beth coblyn!

Wed, 17 Dec 2008 00:00:00 GMT

MAE’N bosib bod rhai o ddarllenwyr benywaidd y papur ’ma wedi cael llythyr tebyg; llythyr melyn llachar gan Gyfarwyddwr Cenedlaethol Merched y Wawr yn gofyn am fras. Neu fronglymau. Neu Froncysyllte – y pentre efo’r gymuned hapusa yng Nghymru mae’n debyg, felly efallai ei fod o’n enw delfrydol ar gyfer cadw dwyfron yn fodlon eu byd.

Rhywbeth at ddant pawb

Wed, 10 Dec 2008 00:00:00 GMT

MAE hi’r adeg yna o’r flwyddyn eto: llond gwlad o lyfrau newydd yn y siopau a minnau’n mynd ati i drio eich perswadio i’w prynu.

Siom methu’r haca a wedyn socsan gwrw!

Wed, 03 Dec 2008 00:00:00 GMT

DWI newydd wylio’r gêm rygbi yn erbyn Awstralia. Waw. Dyna be oedd gêm. Dwi’m wedi gweiddi a neidio a gweddïo fel’na ers talwm iawn. Roedd hi’n enghraifft berffaith o’r hyn sy’n hudol am y gêm. Mi wnes i decstio cyfaill o bêl-droediwr yn syth efo’r neges ‘A ti’n dal i feddwl mai ffwtbol ydi’r gêm orau?’ Dwi’n dal i ddisgwyl ateb.

Mwynhad er fod popeth yn mynd o chwith

Wed, 26 Nov 2008 00:00:00 GMT

MAE’N nhw’n deud nad ydi hi’n beth da i’r ymarfer olaf fynd yn dda tydyn? Dyna oedd yn mynd drwy fy meddwl i wrth ddod adre o Neuadd Rhydymain ar ôl chwip o “dress rehearsal” nos Lun.

Sut i roi gwên ar wyneb ci!

Wed, 19 Nov 2008 00:00:00 GMT

DOEDD dedlein y golofn ’ma ddim yn caniatau i mi ddeud wrthach chi sut aeth hi efo’r ddrama neithiwr. Falle gewch chi adroddiad wythnos nesa. Os fydd ’na rywbeth gwerth ei adrodd, wrth gwrs...

Dim traed oer ar y noson fawr

Wed, 12 Nov 2008 00:00:00 GMT

MAE ’na griw ohonon ni yn Rhydymain yn rhedeg o gwmpas y lle fel pethau gwirion ers wythnosau – ac yn chwysu a chrynu braidd, bellach. Mi wnes i sôn fisoedd yn ôl ein bod ni am ddechrau perfformio dramau byrion fel rhan o’r ymgyrch i hel pres at Steddfod Bala yndo? Wel, nos Fawrth nesa fydd Y Noson Fawr. Neu y noson fach yn yr achos yma.