Cyflwyno Cadair Wrecsam a’r Fro

Jul 27 2011 by Tudur H. Jones, DPW West

Cyflwyno Cadair Wrecsam a’r Fro

CYFLWYNWYD Cadair Eisteddfod Wrecsam a’r Fro i’r yl mewn seremoni arbennig ar y maes ddoe.

Rhoddir y Gadair eleni gan Gwmni Teithio Seren Arian, Caernarfon a Wrecsam, a chyflwynwyd y wobr ariannol gan Gwmni Buddsoddiadau Pritchard Cymru.Š

Lluniwyd y gadiar gan Dilwyn Jones, Celfi Derw, gan ddefnyddio pedwar gwahanol goedyn: cedar, sycamorwydden, y Wenge Affricanaidd a’r dderwen Gymreig.Š

Daw’r pren derw o goeden ar gaeau Rhiwlas, Y Bala, lleoliad yr Eisteddfod yn 2009, ac mae patrwm naturiol yn y coedyn, sy’n rhedeg drwy ganol cefn y Gadair, gan gyfeirio at thema’r gerdd, Clawdd Terfyn.Š

Ar fan uchaf y Gadair, ceir olwyn pwll glo o bren Wenge, a bydd hwn i’w weld wrth i’r bardd eistedd.

Dywedodd Dilwyn Jones, gwneuthurwr a chynllunydd y Gadair eleni: “Mae’r cynllun yn cyfuno’r gwerinol a’r modern, gan greu Cadair dechnegol gain sy’n ddatblygiad o arbrofi creadigol gyda myfyrwyr Prifysgol Glyndwr.Š

“Y gobaith oedd torri cwys newydd o ran technegau er mwyn ennyn diddordeb seiri ifanc y dyfodol yng Nghymru.”

Cynhelir Seremoni’r Cadeirio ddydd Gwener 5 Awst am 4.30.